*

mánudagur, 22. apríl 2019
Innlent 19. apríl 2017 14:54

Fisherman opnar í Vesturbænum

Ferðaþjónustufyrirtæki frá Suðureyri hyggst opna sérvöruverslun með fisk í Vesturbæ Reykjavíkur.

Ritstjórn
Haraldur Guðjónsson

Fisherman á Suðureyri, sem rekur hótel, sjávarveitingahús og kaffihús og aðra ferðaþjónustu á Suðureyri, hyggst opna verslun í vesturbæ Reykjavíkur.

Elías Guðmundsson, framkvæmdastjóri Fisherman segir fyrirtækið stefna að markaðssetningu á heildstæðri vörulínu sem koma í verslanir Hagkaupa í byrjun júni að því er fram kemur í Vísi.

Við hlið Ísbúðar Vesturbæjar

„Við vorum að leita að húsnæði til að pakka og þjónusta Hagkaup daglega með ferskar vörur og duttum þá niður á virkilega skemmtilegt húsnæði við Hagamel 67,“ segir Elías, en um er að ræða húsnæði í sama verslunarkjarna og Ísbúð Vesturbæjar sem margir þekkja, stutt frá Sundlaug Vesturbæjar.

„Við sáum strax að þar væri lítið mál að bæta við eigin verslun með einfalda og skemmtilega fiskrétti. 

Þar stefnum við á að bjóða upp á þekkta smárétti úr „world culinary„ tengt fiski. Bláskel, fiskisúpur, tacos, rækjur, próteinrík snakkbox með fiski, tilbúna rétti til að borða á staðnum eða til að taka með heim og fleira skemmtilegt til að grípa með sér á hraðferð.“

Fisherman var stofnað á Suðureyri árið 2000 en undanfarin ár hefur fyrirtækið tekið við þúsundum gesta í sælkeraferðum um sjávarþorpið þar sem lögð er áhersla á daglega lífið í bænum.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim