FISK-Seafood hagnaðist um 1.343 milljónir á tímabilinu 1. september 2012 til 31. ágúst 2013 samkvæmt ársreikningi. Eigendur félagsins greiddu sér 211 milljónir í arð, en Kaupfélag Skagfirðinga á 98% hlut í félaginu. Félagið greiddi 303 milljónir í tekjuskatt og rúma 3 milljarða í laun og launatengd gjöld á tímabilinu.
Aflaheimildir FISK eru metnar á 4,4 milljarða en fastafjármunir eru samtals 8,7 milljarðar króna. Eigið fé er samtals 15,4 milljarðar en skuldir einungis 1,4 milljarðar. Stærstur hluti er ógreiddir skattar, eða 706 milljónir króna.
