*

laugardagur, 22. september 2018
Innlent 13. júní 2015 09:46

Fiskeldisfyrirtæki í samrunahugleiðingum

Fjarðalax og Arctic Fish stefna á sameiningu og hefur verið skrifað undir viljayfirlýsingu þess efnis.

Ritstjórn

Undirrituð hefur verið viljayfirlýsing um samruna Fjarðalax og Arctic Fish, að því er segir í frétt Morgunblaðsins.

Þar segir Sigurður Pétursson, framkvæmdastjóri Arctic Fish, að mjög náið samstarf hafi verið á milli fyrirtækjanna frá upphafi. Þetta séu tvö stærstu fyrirtækin í sjófiskeldi á Vestfjörðum, þótt þau hafi verið byggð upp á ólíkan hátt. Arctic Fish leggi mikla áherslu á annars vegar seiðaeldið og hins vegar á virðisaukandi framleiðslu. Fjarðalax hafi lagt meiri áherslu á mun hraðari og betri uppbyggingu á sjóeldishlutanum hjá sér.

Hann segir að eigendur og stjórnendur fyrirtækjanna tveggja sjái mikil tækifæri í sameiningu og að þau geti orðið enn sterkari saman en sitt í hvoru lagi.

Stikkorð: Fiskeldi