Bandarískur fjárfestingarsjóður hefur eignast tæplega helmingshlut í 66° Norður. Gengið var að kaupunum í byrjun mánaðarins og nam kaupverðið 30 milljónum evra eða um 3,7 milljarða íslenskra króna. Þetta kemur fram í Fréttablaðinu . Heildarvirði fyrirtækisins er í kringum 7 milljarðar króna.
Eigendur fyrirtækisins hafa á undanförnum mánuðum unnið að því að fá erlenda fjárfesta inn í félagið til að tryggja uppbyggingu og fjármögnun félagsins.
Ráðgjafar fyrirtækisns í viðskiptunum var ráðgjafarfyrirtækið Rothschild en þá kom Lárus Welding, fyrrverandi bankastjóri Glitnis, einnig að ráðgjöfinni.
66°Norður verið rekið með tapi undanfarin ár og árið 2017 var það um 115 milljonir króna. Þó jukust tekjur félagsins í fyrra um 6% og námu þær samtals um 3,86 milljörðum króna.
Eigendur fyrirtækisins eru þau Bjarney Harðardóttir og Helgi Rúnar Óskarsson en hann er jafnframt forstjóri fyrirtækisins.
