Vefmiðillinn Northstack hefur tekið saman tölur yfir fjárfestingar í sprotafyrirtækjum á öðrum ársfjórðungi. Fjárfestingarnar voru fjórar talsins og námu þær alls 14 milljónum dollara eða því sem jafngildir um 1,5 milljörðum króna.
Fyrirtækin fjögur voru Meniga, Takumi, TripCreator og Mink Campers. Fjárfest var í Meniga fyrir 8,3 milljónir dollara og í Takumi fyrir 4 milljónir dollara. Stærstur hluti fjárfestingarinnar kom frá útlöndum eða 70%.
Talsverð aukning var í fjárfestri upphæð frá sama ársfjórðungi í fyrra, en hún jókst um 240% á milli ára, vegna tveggja stórra fjárfestinga, hjá Meniga og Takumi.
„Það er mjög jákvætt hve mikið af erlendu fjármagni var að koma inn, og kemur upp á móti fækkun fjárfestinga þar sem íslenskir sjóðir eru í aðalhlutverki,“ segir Kristinn Árni L. Hró bjartsson, ritstjóri Northstack, í samtali við Viðskiptablaðið.