*

föstudagur, 19. apríl 2019
Innlent 2. ágúst 2017 12:12

Fjárfestu fyrir rúmlega 100 milljarða

Upplýsingafulltrúi Samtaka ferðaþjónustunnar segir skýringu á hækkun hótelgistingar vera aukin gæði hótelherbergja og auknar fjárfestingar.

Ritstjórn
Aðsend mynd

Skapti Örn Ólafsson, upplýsingafulltrúi Samtaka ferðaþjónustunnar segir erfitt að henda reiður á hvað valdi því að verð á gistingu hér á landi hækki meira en sem nemur styrkingu krónunnar eins og greiningardeildir bankanna hafa bent á að undanförnu.

„Hægt er að benda á að mikil uppbygging hefur verið í gistiþjónustu um land allt þar sem ný og betri herbergi hafa verið að koma inn á markaðinn. Þetta eru herbergi í hærri gæðaflokki sem kosta að sama skapi meira,“ segir Skapti Örn í samtali við Morgunblaðið.

„Þá hafa orðið miklar launahækkanir á tímabilinu, en ferðaþjónustan er mannaflsfrek atvinnugrein og launakostnaður vegur þungt í rekstri hótela og gistiheimila. Eins hafa fyrirtæki í ferðaþjónustu fjárfest mikið á tímabilinu til að mæta þeirri fjölgun ferðamanna sem orðið hefur með tilheyrandi hækkun á fjármagnskostnaði.

Á síðasta ári nam fjárfesting fyrirtækja í ferðaþjónustu þannig rúmlega 100 milljörðum króna með tilheyrandi útlánaaukningu. Jafnframt má benda á að húsaleiga hefur hækkað ásamt því að aðföng til hótela og gistiheimila hafa ekki lækkað í takt við styrkingu krónunnar.“

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim