fimmtudagur, 29. september 2016
Innlent 1. febrúar 2011 15:27

Fjárhagslega fyrirferðarlítill þinghópur

Skildu skuldirnar eftir í Borgarahreyfingunni

Gísli Freyr Valdórsson
Þór Saari, Margrét Tryggvadóttir og Birgitta Jónsdóttir voru kosin á þing fyrir hönd Borgarahreyfingarinnar vorið 2009. Þau hafa þó öll yfirgefið flokkinn og starfa nú undir merkjum Hreyfingarinnar.
Hörður Kristjánsson

Efnahagsreikningur þinghóps Hreyfingarinnar er ekki mikið stærri en reikningur Borgarahreyfingarinnar.

Þinghópurinn fékk rúma milljón króna í ríkisframlög á árinu 2009 og varði um hálfri milljón í rekstur hópsins.

Hagnaður af rekstri þinghópsins var því tæpar 600 þúsund krónur það ár sem þó gerir það að verkum að þinghópurinn var eini flokkurinn sem á sæti á Alþingi sem rekinn var með hagnaði. Þó má geta þess að þinghópurinn var kjörinn á þing undir merkjum Borgarahreyfingarinnar og skuldir vegna framboðsins sátu eftir þar.

Skuldir þinghópsins voru í árslok 2009 ekki háar, um 200 þúsund krónur, en eigið fé þinghópsins var um 300 þúsund krónur. Eignir voru um hálf milljón róna og öll í formi veltufjármagns.