*

miðvikudagur, 19. september 2018
Erlent 17. apríl 2008 09:50

Fjöldauppsagnir yfirvofandi hjá TV 2

Ritstjórn

TV2 í Danmörku var rekið með um 3,3 milljarða íslenskra króna tapi í fyrra  og í dag verður greint frá því hversu mörgum starfsmönnum stöðvarinnar verður sagt upp í hagræðingarskyni en stjórnendur félagsins greindu frá því síðasta mánuði að skera ætti rekstrarkostnaðinn niður um 2,3 til  3,4 milljarða íslenskra króna að og að til uppsagna myndi koma.

Samkvæmt frétt á vef Ekstra-blaðsins stendur til að segja upp 110 starfsmönnum. Merete Eldrup, forstjóri TV2, hefur staðfest að uppsagnir standi fyrir dyrum en að ekki verði greint endanlega frá þeim fyriráætlunum fyrr en eftir stjórnarfund hjá TV2 undir lok þessa mánaðar.