Fjöldi norskra loðnuskipa er nú á miðunum úti fyrir Austfjörðum. Íslensk skip hafa ekki byrjað veiðar að neinu marki, enda bíða þau eftir fréttum af því hvort loðnukvótinn verði aukinn.
Þegar litið er á AIS staðsetningarkerfið á vefnum sést vel sú sérkennilega staða að nú á miðri loðnuvertíðinni eru aðeins norsk loðnuskip á miðunum fyrir utan grænlenska skipið Polar Amaroq og íslenska rannsóknaskipið Árna Friðriksson.
