163.000 ný störf urðu til á bandarískum vinnumarkaði í júli en samt sem áður hækkaði atvinnuleysi úr 8,2% í 8,3% á milli mánuða. Þetta er vegna þess hve margir einstaklingar komu inn á vinnumarkaðinn án þess að finna sér vinnu við hæfi. Þetta kemur fram í frétt BBC.
Fjöldi nýrra starfa er nokkuð yfir væntingum flestra markaðsaðila. Þess má geta að um 100.000 ný störf þurfa að verða til í hverjum mánuði vestanhafs svo að hagkerfið dragist ekki saman samkvæmt Seðlabanka Bandaríkjanna. Um 12,8 milljónir Bandaríkjamanna eru atvinnulausir um þessar mundir.
