miðvikudagur, 27. júlí 2016
Innlent 19. júní 2012 11:34

Fleiri geta farið til Boston eftir greiðslu á AGS-láni

Fyrirframgreiðsla á lánum frá AGS og Norðurlöndunum lækkar vaxtakostnað gjaldeyrisforðans um 4,7 milljarða króna.

Jón Aðalsteinn Bergsvein
Birgir Ísl. Gunnarsson

Ríkissjóður sendir út sterk skilaboð um ímynd íslenska ríkisins sem öruggs skuldara með því að greiða inn á lán frá Alþjóðagjadleyrissjóðnum og Norðurlöndunum áður en gjalddagi lánanna rennur upp, að sögn greiningardeildar Arion banka. Hún bendir á það í Markaðspunktum sínum í dag að viðskiptajöfnuður með þessari einu ráðstöfun batni um 4,7 milljarða króna. Það gefi þá annað hvort færi á frekari „Boston-ferðum“ Íslendinga eða, sem væri þjóðhagslega hagkvæmara, á að herða róðurinn í að safna í óskuldsettan gjaldeyrisforða.

Greint var frá því í gær að ríkissjóður og Seðlabankinn ætli að greiða 171 milljarð króna inn á lánin í vikunni. Þegar það verði fyrir horn standa eftir 47% af lánunum frá AGS og 41% af lánunum frá Norðurlöndunum.

Í Markaðspunktum greiningardeildarinnar segir að á meðan ekki er farið í í nýja lántöku blasi við að vaxtakostnaður gjaldeyrisforðans í erlendri mynt muni lækka. Fyrir endurgreiðsluna nam fastur vaxtakostnaður vegna gjaldeyrisforða Seðlabankans ríflega 30 milljörðum króna á ári. Þar sem lánin frá AGS hafa borið vexti upp á LIBOR+275 bps megi með ákveðinni einföldun draga þá ályktun að vaxtakostnaður forðans lækki um rúma 4,7 milljarða króna á ári og verði hann eftirleiðis um 25 milljarðar króna á ári.