Verð á flugfargjöldum hefur hækkað hjá öllum flugfélögunum síðustu vikurnar. Nú er svo komið að ódýrara er að fljúga til London en Kaupmannahafnar.
Bent er á í verðkönnun Túrista, að um miðjan júlí kostaði ódýrasta farið, í fyrstu viku október, til London og tilbaka tæpar þrjátíu þúsund krónur. Ef miðinn er bókaður í dag kostar hann að lágmarki 31.900 krónur. Hækkunin nemur 8,5 prósentum. Ódýrasta farið til Kaupmannahafnar í byrjun október hefur hækkað um rúm ellefu prósent. Þetta er vísbending um að ekki verði áframhald á verðþróun sumarsins þegar verðkannanir Túrista sýndu endurtekið að fargjöld WOW air og Iceland Express lækkuðu þegar styttist í brottför.
WOW air ódýrast án þungs farangurs en Iceland Express með töskum
Nánar má lesa um flugfargjöldin á vefsíðu Túrista .
