*

þriðjudagur, 21. maí 2019
Innlent 8. febrúar 2019 09:07

Flugfarþegum fækkar um 9% innanlands

Farþegum Air Iceland Connect fækkar og flugferðum fækkar innanlands á síðasta ári.

Ritstjórn
Flugfarþegum innanlands halda áfram að fækka.
Aðsend mynd

Farþegum Air Iceland Connect fækkaði um 9% á milli ára á síðasta ári. Sætanýting dróst lítið saman milli ára en hún var 65,4% í fyrra en 65,9% árið 2017. Hins vegar drógust framboðnir sætiskílómetrar mjög saman á milli ára og fóru úr 215 kílómetrum árið 2017 niður í 180 kílómetra á síðasta ári sem er 16% samdráttur.   

Fækkunin var hlutfallslega meiri á síðasta ársfjórðungi 2018 en þá fækkaði farþegum úr 80.400 árið 2017 niður í 69.600 í fyrra sem jafngildir 13% minnkun milli ára.

Þetta er í samræmi við fækkun farþega á innanlandsflugvöllum í desember í fyrra en þá fóru að jafnaði 1.615 farþegar á hverjum degi um aðrar flugstöðvar en Keflavíkurflugvöll. Í desember 2017 voru þeir hins vegar 1.805 talsins. Þetta er um 11% samdráttur milli ára.    

Stjórnendur Icelandair Group boðuðu endurskoðun á starfsemi Air Iceland Connect en erfiður rekstur innanlands er einn af ástæðum mikils taps flugfélagsins á síðasta ári. Þess má geta að Alþingi samþykkti tillögu að nýrri samgönguáætlun fyrr í vikunni þar sem lagt er til að hið opinbera komi meira að flugsamgöngum innanlands. 

 

Stikkorð: Iceland Air Connect
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim