*

sunnudagur, 19. maí 2019
Innlent 20. september 2018 09:18

Flugfreyjur ætla að stefna Icelandair

Flugfreyjufélag Íslands hefur nú sent félögum sínum bréf þar sem ákvörðun fyrirtækisins er harðlega gagnrýnd.

Ritstjórn
Haraldur Guðjónsson

Í gærkvöldi greindi Viðskiptablaðið frá því að Icelandair hyggist ætla að láta flugfreyjur sem starfa í hlutastarfi hjá fyrirtækinu velja hvort þær vilji ráða sig í fullt starf hjá fyrirtækinu eða vera sagt upp. 

Flugfreyjufélag Íslands hefur nú sent félögum sínum bréf þar sem ákvörðun fyrirtækisins er harðlega gagnrýnd. Í bréfinu segir: 

„FFÍ lítur á ákvörðunina sem aðför að áratuga vinnu stéttarfélagsins sem hefur miðað að því að flugfreyjur og flugþjónar hafi sveigjanleika til að vera í hlutastarfi. Ástæður þess að flugfreyjur hafa ráðið sig í hlutastörf eru af ýmsum toga og hafa flugfreyjur réttmætar væntingar til þess á grundvelli kjarasamnings. Í gegnum tíðina hefur fyrirtækið sjálft óskað eftir að flugfreyjur taki að sér hlutastörf þegar erfiðleikar steðja að til að koma í veg fyrir fyrir fjöldauppsagnir og þannig tryggt að þekking og reynsla tapist ekki frá félaginu.“

Félagið telur ákvörðun fyrirtækisins fela í sér mismunun á vinnumarkaði og vera brot á lögum um jafna meðferð. Þá bendir félagið einnig á það að aðgerðir fyrirtækisins ættu ekki að beinast aðeins gegn einni starfstétt. Félagið hefur boðað til félagsfundar á næstu dögum.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim