Gengi hlutabréfa Haga hefur lækkað um 3,91% í 57 milljón króna viðskiptum frá því að markaðir opnuðu í morgun. Samkeppniseftirlitið hafnaði í gær samruna Haga og Lyfju.

Í tilkynningu frá Högum frá því í gær segir: „Niðurstaðan er vonbrigði og mun félagið taka hana til sérstakrar skoðunar næstu daga. Þá ber að árétta að Hagar höfðu ekki tekið við rekstri Lyfju og mun ákvörðunin því ekki hafa áhrif á áður birt reikningsskil félagsins.“