Í sumar hefur gengi krónunnar verið nokkuð stöðugt. Gengi krónu gagnvart evru hefur haldist í kringum 125 krónur. Þetta er meðal þess sem kom fram í Hagsjá Landsbankans sem birtist fyrr í vikunni. Nokkrum sinnum hefur evran farið tímabundið yfir 125 krónur (fór hæst í 126,5 21), en hefur enn sem komið er alltaf farið aftur niður fyrir 125.

Bandaríkjadalur hækkaði í byrjun sumars (fór hæst í 108,9 þann 22. júní) en hefur síðan sveiflast í kringum 106 krónur. Í lok júlí styrktist krónan gagnvart bæði evru og dollar um tæpar 2 krónur en sú styrking hefur gengið til baka.

Velta á millibankamarkaði tók við sér í júní eftir tiltölulega rólega fyrstu fimm mánuði. Ró færðist þó aftur yfir markaðinn í júlí. Raungengi hækkaði um 0,5% milli mánaða í júní eftir að hafa lækkað um 1,7% milli mánaði í júlí.