*

sunnudagur, 21. apríl 2019
Innlent 4. júlí 2017 12:40

Gera við öll hjálpartækin

Öryggismiðstöðin gerði nýverið samning við Sjúkratryggingar Íslands um viðgerðarþjónustu á öllum hjálpartækjum í eigu stofnunarinnar.

Ritstjórn
Jón Eiríksson, viðskiptastjóri hjá Öryggismiðstöðinni, með hjólastól sem er í viðgerð á nýja versktæðinu.

Öryggismiðstöðin gerði nýverið samning við Sjúkratryggingar Íslands um viðgerðarþjónustu á öllum hjálpartækjum í eigu stofnunarinnar. Í kjölfarið hefur fyrirtækið sett á laggirnar nýtt og tæknivætt verkstæði sem mun sjá um alla viðgerðarþjónustu fyrir hjálpartæki sem aldraðir og fatlað fólk notar.  Þetta kemur fram í fréttatilkynningu.

„Það hefur verið mjög mikið að gera á verkstæðinu fyrstu dagana eftir að við opnuðum hér og mikill fjöldi tækja þegar borist til okkar sem þarf að gera við. Við tökum á móti öllum stærðum og gerðum hjálpartækja. Við munum kappkosta að veta sem besta þjónustu og fólk mun ekki þurfa að fara á milli staða til að leita að aukahlutum. Það kemur með tækin til okkar og við sjáum um að ná í allt sem vantar og gera við. Það eru mörg þúsund hjálpartæki í notkun hér á landi þannig að það er ljóst að þörf er á góðri viðgerðarþjónustu því öll tæki eiga það til að bila eins og við þekkjum. Á undanförnum árum hefur notendum hjálpartækja fjölgað verulega og fyrirsjáanleg er mikil fjölgun eldri borgara sem mun kalla á aukna þjónustu í nánustu framtíð,” segir Jón Eiríksson, viðskiptastjóri hjá Öryggismiðstöðinni. Nýja verkstæði er staðsett í höfuðstöðvum fyrirtækisins að Askalind 1. 

Jón segir að samningurinn sem fyrirtækið gerði nýverið við Sjúkratryggingar Íslands breyti miklu og þýði í raun aukna þjónustu fyrir aldraða og fatlað fólk varðandi öll hjálpartæki. „Öryggismiðstöðin er eina fyrirtækið sem mun þjónusta öll hjálpartæki fyrir Sjúkrastryggingar Íslands. Við munum auk þess bjóða upp á neyðarþjónustu með öryggisbakvakt alla daga vikunnar frá klukkan 7 á morgnana til miðnættis," segir hann.

Öryggismiðstöðin hefur um langt árabil boðið upp á öryggishnappa fyrir aldraða, sjúka og fatlað fólk. Á síðustu árum hefur fyrirtækið bætt í vöruframboð sitt margvíslegum velferðartæknilausnum sem gera öldruðum, sjúkum og fötluðu fólki kleift að búa lengur heima. „Öryggishnappurinn var upphafið af þessari þjónustu og í kjölfarið höfum við bætt við fjölmörgum öðrum hjálpartækjum fyrir þennan hóp. Í vöruframboði okkar má finna ýmsar tæknilausnir eins og rafknúna hjólastóla, rafskutlur, hjúkrunarrúm, lyftibúnað og allt upp í mjög sérhæfðar og tæknilegar lausnir eins og augnstýrðar tölvur sem nota má til tjáskipta og umhverfisisstjórnunar,” segir Jón enn fremur.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim