*

fimmtudagur, 23. maí 2019
Fólk 14. mars 2019 09:15

Gísli til Icelandair

Gísli S. Brynjólfsson hefur verið ráðinn forstöðumaður markaðsmála hjá Icelandair.

Ritstjórn
Aðsend mynd

Gísli S. Brynjólfsson hefur verið ráðinn forstöðumaður markaðsmála hjá Icelandair (e. Director of Global Marketing). Greint er frá þessu í fréttatilkynningu.

Gísli hefur starfað hjá Hvíta húsinu auglýsingastofu í 15 ár, þar af síðastliðin átta ár sem framkvæmdastjóri. Í starfi sínu hjá Hvíta húsinu hefur hann verið einn af helstu markaðs- og stefnumótunarráðgjöfum stofunnar og unnið fyrir mörg af stærstu fyrirtækjum landsins, bæði hér á landi og erlendis. Áður starfaði hann sem sölu- og kynningarstjóri hjá Skýrr hf., eða á árunum 1999 til 2002. Gísli sat í stjórn Ímark frá 2011 til 2014. Gísli er með BSc. gráðu í alþjóðamarkaðsfræði frá Tækniháskóla Íslands og MSc. gráðu í alþjóðaviðskiptum frá Grenoble Ecole de Management í Frakklandi.

„Við erum mjög ánægð að fá jafn reynslumikinn mann og Gísla í okkar raðir. Hann hefur verið þungavigtarmaður í markaðsmálum á Íslandi til margra ára og það er verðmætt fyrir Icelandair að fá hann til að stýra þeim fjölmörgu verkefnum sem framundan eru," segir Birna Ósk Einarsdóttir, framkvæmdastjóri sölu- og þjónustusviðs Icelandair Group.

Gísli er giftur Sigríði Önnu Árnadóttur viðskiptastjóra á fyrirtækjasviði hjá Landsbankanum og eiga þau þrjú börn.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim