*

miðvikudagur, 22. maí 2019
Innlent 5. júlí 2017 09:15

Gjaldeyriseftirlitið minnkað um 30%

Starfsfólki gjaldeyriseftirlitsins hefur fækkað úr 23 niður í 16 á árinu, en SA gagnrýna að enn sé ekki búið að endurskipuleggja starfsemi þess.

Ritstjórn

Um 30% fækkun hefur verið á starfsfólki í gjaldeyriseftirliti Seðlabankans það sem af er árinu, en fyrir um fjórum mánuðum síðan voru fjármagnshöftin nánast að fullu afnumin.

Í lok síðasta árs voru starfsmenn í eftirlitinu 23, og nam heildarlaunakostnaður þeirra 314 milljónum króna, en í dag eru heildarfjöldi starfsmanna, eða svokölluð ársverk, um það bil sextán að því er fram kemur í Fréttablaðinu í dag.

Í svari Seðlabankans til blaðsins segist hann ekki geta sagt til um hvort gjaldeyriseftirlitið verði lagt niður á árinu, eða starfsemi þess færð yfir á annað svið bankans. Segir bankinn að enn eigi eftirlitið eftir að ljúka ýmsum rannsóknamálum vegna meintra brota á lögum um gjaldeyrismál.

Fyrr í vikunni gagnrýndi Halldór Benjamín Þorbergsson, framkvæmdastjóri Samtaka atvinnulífsins að ekki væri enn búið að fara fram „umfangsmikil endurskipulagning og hagræðing gjaldeyriseftirlitsins.“ Heildarlaunakostnaður gjaldeyriseftirlitsins náði hámarki í fyrra, en árið 2015 var kostnaðurinn við það 291 milljón króna, en 228 milljónir árið 2014, en það hafði farið vaxandi síðan árið 2009.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim