*

fimmtudagur, 25. apríl 2019
Innlent 7. júní 2018 15:37

Gjaldþrot gervimanns á hálfan milljarð

Gjaldþrotaskipti hafa verið gerð á Útsæ ehf. sem nefnt var í rannsóknarskýrslu Alþingis. Aldrei náðst í úkraínska stjórnarmenn.

Ritstjórn
Krafa Byr á hendur Útsæ ehf. var ein stærsta krafa sparisjóðsins gamla.

Gjaldþrotaskipti hafa verið gerð á félaginu Útsær ehf. sem nefnt var í rannsóknarskýrslu Alþingis undir liðnum Gervimaður útlönd.

Samanlagðar skuldir félagsins námu rúmlega 589 milljónum króna, en félagið var langstærsti kröfufinn sem gamli sparisjóðurinn Byr átti í. Félagið er skráð í skýrslunni sem eitt þeirra sem hafi verið 100 prósent í eigu erlendra aðila árið 2006 og 2007. Hugtakið Gervimaður útlönd er notað sem tákn úr þjóðskrá fyrir þá eigendur í íslenskum fyrirtækjum sem eru í eigu óþekktra erlendra aðila.

Jóhann Karl Hermannsson skiptastjóri í búinu segir að félagið hafi verið með þrjá lánasamninga í japönskum jenum, Bandaríkjadölum og krónum við sparisjóðinn Byr. Eina tryggingin fyrir þessum lánum hafi svo verið hlutir í gamla MP banka, en gjalddagi samninganna hafi verið 2010.

Þeir hafi svo gjaldfallið allir, ekkert verið greitt, og gengið hafi verið að tryggingunum, hlutunum í MP banka, sem var svo ráðstafað inn á skuldina 2011. Krafa Byr fór svo inn í Íslandsbanka við sameiningu félaganna en um var að ræða eina af stærstu kröfum sparisjóðsins. Félagið átti svo 45% hlut í fjárfestingarfélaginu Vatnaskil, sem var gert upp í lok síðasta sumar.

Skráðir stjórnarmenn í Útsæi hafi verið erlendir aðilar, skráðir í Úkraínu sem Jóhann Karl segir aldrei hafi náðst í við skiptalokin.

Helsta eign félagsins var 45% hlutur í fjárfestingarfélaginu Vatnaskil, en það félag var eitt þeirra sem keyptu stofnbréf í Sparisjóði Hafnarfjarðar snemma árs 2006, sem loks sameinaðist Sparisjóði Vélstjóra og tók upp nafnið Byr við það.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim