Verð á hlutabréfum í Origo hækkaði um 5,11% í 50 milljóna króna viðskiptum í kauphöllinni í dag. Þá hækkaði Icelandair um 2,65% í 234 milljóna króna viðskiptum.
Mest lækkun var hjá Marel en bréfin lækkuðu um 0,39% í 243 milljóna króna viðskiptum. Sýn lækkaði um 0,23% í 140 milljóna króna viðskiptum. Bréf þessara tveggja félaga voru þau einu sem lækkuðu í viðskiptum dagsins, önnur félög hækkuðu.
Úrvalsvísitalan hækkaði um 0,72% en heildarveltan á hlutabréfamarkaði í dag nam 3,6 milljörðum króna.
