Úrvalsvísitala Kauphallar Nasdaq Iceland hækkaði um 2,29% í viðskiptum dagsins. Hún stendur því nú í 1.730,44 stigum. Heildarvelta á mörkuðum nam 8,5 milljörðum króna, þar af nam velta á hlutabréfamarkaði 6,8 milljörðum og á skuldabréfamarkaði 1,2 milljörðum.

Gengi hlutabréfa HB Granda hækkaði mest eða um 6,03% í 150,7 milljón króna viðskiptum. Gengi hlutabréfa Icelandair Group hækkar nú annan daginn í röð eða um 3,87% í 1.108 milljón króna viðskiptum. Gengi hlutabréfa Marel hækkaði um 3,02% í 1.773 milljón króna viðskiptum.

Vísitölur GAMMA

Markaðsvísitala GAMMA hækkaði um 0,6% í dag í 7,4 milljarða viðskiptum. Hlutabréfavísitala GAMMA hækkaði um 2,3% í dag í 6,4 milljarða viðskiptum.

Skuldabréfavísitala GAMMA lækkaði um 0,1% í dag í 1 milljarða viðskiptum. Verðtryggði hluti vísitölunnar lækkaði um 0,2% í 0,5 milljarða viðskiptum og óverðtryggði hluti vísitölunnar lækkaði lítillega í 0,5 milljarða viðskiptum.