Eyjólfur Magnús Kristinsson, formaður DCI sem eru samtök gagnavera, segist skilja umræðuna um lagningu sæstrengs frá Íslandi til Bretlands til að fá sem mest fyrir orkuna. Hann telur þó aðrar leiðir æskilegri til að auka uppbyggingu hér á landi.
„Út frá þjóðhagslegum sjónarmiðum er þetta galið. Það er verið að tala um að fjárfesta fyrir 500 milljarða. Við gætum gert ótrúlega hluti bara fyrir 100 milljarða. Með þessu er verið að grafa undan íslenskum iðnaði sem mun eiga erfitt uppdráttar. Við ættum til dæmis að vinna í því að fá erlenda fjárfesta í gagnaverum og þeim iðnaði sem hér er.“
Nánar er spjallað við Eyjólf í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .
