*

þriðjudagur, 13. nóvember 2018
Innlent 8. október 2015 10:18

Gríðarleg fjölgun ferðamanna í september

Brottfarir erlendra ferðamanna í september voru 39% meiri en í sama mánuði í fyrra.

Ritstjórn
Haraldur Guðjónsson

Brottfarir erlendra ferðamanna í september voru 39% meiri en í sama mánuði í fyrra samkvæmt tölum frá Ferðamálastofu. Greint var frá þessu á síðu Ferðamálastofu.

September 2015 var langfjölmennasti septembermánuður frá upphafi en þá komu um 123 þúsund ferðamenn til landsins. Nýliðinn september var m.a. stærri en stærsti mánuður ársins ársins (ágúst) 2012 en þá komu um 115 þúsund ferðamenn til landsins.

Fleiri erlendir ferðamenn hafa komið til landsins fyrstu níu mánuði ársins en komu allt árið í fyrra, en þetta jafngildir um 28% þróun milli ára.