Innkaupadeild Reykjavíkurborgar, fyrir hönd Skrifstofu þjónustu og reksturs, hefur óskað eftir tilboðum í 158 spjaldtölvur. Í útboðsauglýsingu er tekið fram að spjaldtölvurnar verða að vera útbúnar Apple iOS stýrikerfi, útgáfu 6 eða nýrri.
Að sögn Óskars J. Sandholt, skrifstofustjóra hjá Reykjavíkurborg, eru tölvurnar fyrir grunnskóla borgarinnar. Þær eru keyptar að ósk skólanna, sem hafa ákveðið fjárveitingarleyfi til tölvukaupa.
Athygli vekur að ekki er óskað eftir iPad stýritölvum í útboðsauglýsingunni, þótt þær séu þær einu sem keyra á iOS stýrikerfi. Ástæðan er sú að borginni er óheimilt að óska eftir sérstakri tegund, en leitast er við að uppfylla óskir skólanna um að spjaldtölvurnar séu frá Apple.
