*

sunnudagur, 24. september 2017
Fólk 5. janúar 2017 10:15

Guðfinnur hefur störf hjá Vodafone

Guðfinnur Sigurvinsson tekur við sem verkefnastjóri samskiptamála hjá Vodafone, en hann var áður upplýsingafulltrúi Umhverfisstofnunar.

Ritstjórn
Aðsend mynd

Guðfinnur Sigurvinsson hefur verið ráðinn verkefnastjóri samskiptamála hjá Vodafone, en undir samskiptamál falla meðal annars öll samskipti við fjölmiðla og fjárfesta ásamt ytri fræðslu.

Guðfinnur kemur úr starfi upplýsingafulltrúa Umhverfisstofnunar, þar sem hann sinnti meðal annars innri og ytri upplýsingagjöf.

Hann vann áður sem frétta- og dagskrárgerðarmaður hjá Ríkisútvarpinu til fjölda ára. Guðfinnur er með B.A. gráðu í stjórnmálafræði frá Háskóla Íslands og lýkur þaðan meistaranámi í opinberri stjórnsýslu í vor.