Guðmundur Kristinn Birgisson hefur verið ráðinn framkvæmdastjóri áhættustýringar Íslandsbanka og tekur við starfinu 1. október.
Guðmundur hefur starfað hjá Íslandsbanka frá árinu 2011 og er í tilkynningu sagður hafa víðtæka reynslu af fjármálamörkuðum. Hann hefur starfað sem forstöðumaður útlána á Einstaklingssviði og forstöðumaður áhættueftirlits Íslandsbanka.
Guðmundur er með doktorspróf í stærðfræðikennslu frá Indiana University en lauk B.A. prófi í heimspeki og raunvísindum frá Háskóla Íslands. Hann hefur jafnframt lokið diplóma námi í kennslufræði til kennsluréttinda.
