Gylfi Arnbjörnsson var endurkjörinn forseti Alþýðusambandsins á þingi sambandsins í hádeginu í dag. Gylfi hlaut 74,5% atkvæða eða 201 atkvæði. Ragnar Þór Ingólfsson stjórnarmaður í VR, sem bauð sig fram á móti honum í annað sinn, hlaut 25,5% eða 69 atkvæði. 5 skiluðu auðu.

Stuðningurinn við Gylfa var meiri nú en fyrir tveimur árum þegar Ragnar bauð sig fram gegn honum. Þá hlaut Ragnar rúmlega 30% en Gylfi tæplega 70%.

Gylfi var fyrst kjörinn forseti ASÍ árið 2008 og er því að hefja fjórða kjörtímabil sitt nú.