Gylfi Ólafsson, heilsuhagfræðingur frá Ísafirði, leiðir lista Viðreisnar á Norðvesturkjördæmi. Uppstillingarnefnd Viðreisnar hefur ákveðið hverjir skipa þrjú efstu sætin í Norðvesturkjördæmi. Þetta kemur fram í frétt bb.is.
Í öðru sæti listans situr Lee Ann Maginnis, sem er verkefnastjóri upplýsingamiðstöðvar ferðamála í Austur-Húnavatnssýslu. Í þriðja sæti listans verður Sturla Rafn Guðmundsson, svæðisstjóri Rarik á Vesturlandi.
Listi Viðreisnar verður gerður opinber 12. september ásamt listum flokksins í öðrum kjördæmum, segir Gísli Halldór Halldórsson, bæjarstjóri Ísafjarðar í fréttinni, Gísli er formaður uppstillingarnefndar Viðreisnar í Norðvesturkjördæmi.
