Úrvalsvísitala kauphallar Nasdaq Iceland hækkaði þónokkuð í dag, eða um 1,83% í 5,2 milljarða króna viðskiptum. Stendur hún nú í 1.761,70 stigum.
Aðalvísitala Skuldabréfa hækkaði einnig, þó hækkunin næmi ekki nema 0,04% í 2,5 milljarða viðskiptum og stendur hún nú í 1.264,94 stigum.
Skeljungur og Eik hækkuðu mest
Skeljungur hækkaði mest í virði í kauphöllinni í dag, eða um 4,51% í 159 milljón króna viðskiptum og var lokagengi bréfa félagsins 6,49 krónur.
Næst mest hækkun var á gengi bréfa Eikar fasteignafélags, eða 4,10% í 394 milljón króna viðskiptum og fæst hvert bréf félagsins nú á 12,18 krónur hvert bréf.
Nýherji og TM einu sem lækkuðu
Einu tvö fyrirtækin sem lækkuðu í virði í kauphöllinni í dag voru Nýherji, og TM, en lækkunin á Nýherja voru einungis í 12,5 milljón króna viðskiptum, en hún nam 2,03% og fæst hvert bréf félagsins á 29,00 krónur.
Hitt félagið sem lækkaði í virði var Tryggingamiðstöðin, en í dag var arðleysisdagur hjá félaginu. Nam lækkunin 3,57% í tæplega 247 milljón króna viðskiptum og er hvert bréf félagsins nú verðlagt á 32,45 krónur hvert bréf.
