*

miðvikudagur, 19. september 2018
Erlent 27. desember 2014 10:53

Hætt við kosningar í Svíþjóð

Ekkert verður úr kosningum í Svíþjóð sem áttu að fara fram 22 mars. Forsætisráðherra Svíþjóðar greindi frá þessu í morgun.

Ritstjórn
Aðsend mynd

Hætt hefur verið við kosningar í Svíþjóð sem áttu að fara fram í lok mars. Stefan Löfven forsætisráðherra Svíþjóðar sagði frá þessu á blaðamannafundi í morgun en á fundinum voru leiðtogar allra stjórnmálaflokka á þingi nema vinstri flokksins og Svíþjóðardemókratanna. Á fundinum sagði Löfven að stjórnarflokkanir væru reiðubúnir að axla ábyrgð á stjórn landsins.

Eftir að fjárlagafrumvarp minnihlutastjórnar Löfven var fellt í atkvæðagreiðslu á þingi fyrr í þessum mánuði hafði Löfven boðað til kosninga 22 mars. Síðan þá hafa stjórnarflokkarnir setið við samningaborðið og reynt að leysa stjórnarkreppuna þar í landi en þegar frumvarpið var fellt hafði Löfven aðeins verið í embætti í þrjá mánuði.