Ríkissaksóknari hefur fellt niður rannsókn á hendur lögreglumönnunum Jóni Óttari Ólafssyni og Guðmundi Hauki Gunnarssyni sem grunaðir eru um að hafa notað upplýsingar sem þeir öfluðu í störfum sínum hjá embættis sérstaks saksóknara þegar þeir unnu fyrir þrotabú Milestone.

Sérstakur saksóknari kærði mennina til ríkissaksóknara í apríl í fyrra vegna hugsanlegra brota á þagnarskyldu. Að lokinni rannsókn ríkissaksóknara var tekin ákvörðun um að fara ekki með málið fyrir dóm. Embætti sérstaks saksóknara heyrði fyrst af því í dag að málið yrði látið niður falla.