Rich Ross, yfirmaður kvikmyndaframleiðslu Disney, hefur sagt upp störfum í kjölfar þess að ævintýrakvikmyndin John Carter varð eitt stærsta „flopp“ í sögu kvikmyndaframleiðslu Disney.
Ross, sem hefur starfað hjá Disney í 15 ár og verið yfirmaður kvikmyndaframleiðslu Disney síðan 2009, sagði í tölvupósti til starfsmanna í gær að hann teldi að staðan hentaði honum sér ekki lengur.
Ross á þó farsælan feril að baki en hann var yfirmaður Disney Channel sjónvarpsstöðvarinnar þegar stöðin framleiddi og sýndi þáttaseríurnar High School Musical og Hannah Montana.
Eins og áður hefur komið fram stefnir í að tap Disney af myndinni verði um 200 milljónir Bandaríkjadala.