Lýsing hf. hagnaðist um 1.361 milljón króna árið 2016, að því er fram kemur í ársreikningi fyrirtækisins. Lýsing er í eigu Klakka ehf. Árið 2015 nam hagnaður fyrirtækisins 607 milljónum króna.

Eignir Lýsingar um síðustu áramót námu 26 milljörðum króna, skuldir námu 14 milljörðum og eigið fé var því 12 milljarðar króna. Lagt er til að greiddur verði arður til hluthafa sem mun nema 700 milljónum króna. Framkvæmdastjóri er Lilja Dóra Halldórsdóttir.