Veitingastaðurinn XO , sem rekur veitingastaði í Smáralind og JL húsinu í Vesturbæ Reykjavíkur, hagnaðist um 3,3 milljónir króna á síðasta ári.
Heldarveltan var um 240 milljónir króna árið 2017 og var EBITDA félagsins 12,6 milljónir króna en um mitt ár 2017 opnaði félagið nýjan veitingastað í Norðurturni Smáralindar með tilheyrandi framkvæmda- og launakostnaði.
Áætluð velta XO á árinu 2018 er á bilinu 320-340 milljónir króna og er áætluð EBITDA ársins tæplega 15% af veltu eða um 40-45 milljónir króna.
XO hefur á undanförnum mánuðum rætt við öll helstu fasteignafélög landsins og leitar nú logandi ljósi að hentugri staðsetningu fyrir þriðja XO veitingastaðinn.
