*

mánudagur, 22. apríl 2019
Innlent 25. nóvember 2016 15:30

Hagvöxtur eykst í Bretlandi

Þrátt fyrir neikvæðar spár hagfræðinga um áhrif Brexit halda neytendur og fyrirtæki áfram að auka neyslu sína og fjárfestingar.

Ritstjórn
Bresk heimili hafa aukið neyslu sína vegna bjartsýni í kjölfar úrsagnar úr Evrópusambandinu

Neytendur og fyrirtæki í Bretlandi juku eyðslu sína á þriðja ársfjórðungi ársins. Jókst eyðsla heimila í landinu um 0,7% á ársfjórðungnum og fjárfestingar fyrirtækja jukust um 0,9% af því er hagstofa landsins hefur sagt í dag.

Heildarhagvöxturinn mældist 0,5% en verslun var sterkasti áhrifaþátturinn í viðskiptunum.

Erlendir ferðamenn nýta sér veikingu pundsins

Í annarri skýrslu, frá samtökum iðnaðarfyrirtækja í Bretlandi, kom fram að smásala hafði ekki vaxið jafnmikið í heilt ár í nóvembermánuði, eða síðan í september 2015. Náði vísitala þeirra 26 stigum, en líklegt er að erlendir ferðamenn hafi í auknum mæli nýtt sér veikngu pundsins.

Skýrsla hagstofunnar nær yfir fyrsta heila ársfjórðunginn síðan breska þjóðin ákvað að yfirgefa Evrópusambandið, en þrátt fyrir þessar niðurstöður hafa hagvaxtarspár fyrir landið verið færðar niður.

Kom hagfræðingum á óvart

Ríkisstofnun sem fylgjast á með fjárlagagerðinni skar niður væntingar sínar um hagvöxt í landinu á miðvikudag, úr 2,2% niður í 1,4%. Sagði hún að óvissan myndi leiða til þess að fyrirtæki myndu seinka fjárfestingum og veiking pundsins myndi ýta undir kostnaðinn við innflutning.

„Fjárfestingar fyrirtækja héldu sínu striki í kjölfar þjóðaratkvæðagreiðslunnar,“ sagði Darren Morgan hjá hagstofunni.„Til viðbótar við það, þá er aukinn neysla sem er tilkomin vegna aukinna tekna heimilanna, og sterk staða aðalþjónustufyrirtækja landsins, að stækka hagkerfið.“

Auknar fjárfestingar fyrirtækja komu mörgum hagfræðingum á óvart sem margir spáðu hnignun í kjölfar úrsagnar úr Evrópusambandinu.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim