Halla Árnadóttir hefur verið ráðin forstöðumaður Mannauðs- og launalausna og Ásta Guðmundsdóttir hefur tekið við sem forstöðumaður Kerfisþjónustu hjá Origo.
Halla er með BS próf í viðskiptafræði frá Háskólanum í Reykjavík. Hún hefur starfað sem ráðgjafi og vörustjóri hjá Viðskiptalausnum Origo og forvera þess fyrirtækis frá 2004.
Ásta er viðskiptafræðingur frá Háskólanum á Bifröst og með MSc í verkefnastjórnun frá Lancaster University. Hún hefur starfað hjá Origo og forvera fyrirtækisins frá 2013 sem verkefnastjóri og hópstjóri í kerfisrekstri.
