Breska leikfangaverslunin Hamleys, sem var eitt sinn í eigu Baugs og síðar gamla Landsbankans, LBI, hefur opnað nýja verslun í Manchester.
Verslunin tók á leigu tæplega sex þúsund fermetra verslun í Intu verslunarmiðstöðinni. Fyrsti hluti verslunarinnar opnar 28. nóvember, en í þeim hluta var einu sinni JJB verslun til húsa. Verslunin mun svo stækka aftur í janúar.
„Við höfum verið að leit að heppilegri staðsetningu fyrir næstu verslun og töldum víst að Intu Trafford verslunarmiðstöðin yrði heppileg,“ segir Guðjón Reynisson, forstjóri Hamleys, í samtali við The Retail Bulletin .
Hamleys rekur 36 verslanir í Evrópu, Mið-Austurlöndum og Asíu. Níu þeirra eru í Bretlandi.
