HB Grandi hefur gengið frá lánsfjármögnun við Arion banka, Íslandsbanka og norska bankann DNB Bank ASA um fjármögnun á nýjum væntanlegum togara félagsins . Lánsfjármögnunin felur einnig í sér endurfjármögnun á öllum eldri langtímaskuldum félagsins. Þetta kemur fram í fréttatilkynningu frá félaginu.

Fjármögnunin nemur alls tæpum 24 milljörðum íslenskra króna og er til fimm ára með tuttugu ára afborgunarferli.

Lánssamningurinn ber breytilega vexti og eru núgildandi meðalvextir 1,95%.

Að sögn félagsins verður hluta lánsins verða varið til endurfjármögnunar skammtímaskulda vegna áfallinna greiðslna í tengslum við smíði togarans.