Úrvalsvísitala Kauphallarinnar, OMXI8, hækkaði um 0,2% í viðskiptum dagsins í rúmlega 3,1 milljarða veltu.

Mesta hækkun dagsins var á bréfum HB Granda sem hækkuðu um 4,17% í 161 milljóna króna viðskiptum. Þá hækkuðu bréf TM um 2,13% í 407 milljóna króna viðskiptum.

Bréf Sýnar lækkuðu um 2,03% í 80 milljóna króna viðskiptum en félagið birti í gær uppgjör fyrir fyrsta ársfjórðung. Þá lækkuðu bréf Símans um 0,68% í 124 milljóna viðskiptum.

Mest velta var með bréf Arion Banka sem hækkuðu um 0,68% í 979 milljóna króna viðskiptum. Greint var frá því í dag að Stefán Péturson, starfandi bankastjóri Arion hefði keypt bréf í bankanum fyrir um fimm milljónir króna.