laugardagur, 24. september 2016
Innlent 28. apríl 2012 10:17

Heiðurslaun listamanna til æviloka

25 listamönnum verða veitt heiðurslaun árlega ef nýtt frumvarp verður samþykkt. Full laun verða veitt til sjötugs en 80% eftir það.

Ritstjórn
Aðrir ljósmyndarar

Samkvæmt frumvarpi til laga frá meirihluta allsherjar- og menntamálanefndar um heiðurslaun listamanna verður 25 listamönnum veitt heiðurslán árlega. Þau verði veitt listamanni að fullu til sjötíu ára aldurs en 80% af starfslaunum eftir það, og veitt til æviloka. Alls munu að hámarki 25 listamenn njóta launanna á hverjum tíma. Með frumvarpinu vill meirihluti nefndarinnar lögfesta reglur um undirbúning tillögugerðar, sem er í höndum Alþingis. Þá mun ráðherra hafa heimild til að ákveða að listamaður geti afsalað sér heiðurslaunum tímabundið vegna annara starfa.