Nú þegar tíu dagar eru í Reykjavíkurmaraþonið hafa safnast um 27 milljónir til góðra málefna á áheitavef hlaupsins. Heildarupphæðin er 15% hærri en sú sem hafði safnast á sama tíma í fyrra, að því er fram kemur í frétt á vef Íslandsbanka.
Þrjú þúsund þátttakendur í Reykjavíkurmaraþoni Íslandsbanka eru að safna áheitum á hlaupastyrkur.is. Rúmlega 700 manns hafa safnað 10 þúsund krónum eða meira og 28 hafa safnað 100 þúsund krónum eða meira. 164 góðgerðafélög eru skráð til þátttöku í söfnuninni.
Samkvæmt tilkynningunni er líklegt að áheitahlaupurum fjölgi næstu daga enda er skráning enn í fullum gangi.
