Helga Halldórsdóttir hefur tekið við starfi forstöðumanns mannauðs hjá Arion banka. Helga hefur starfað hjá bankanum og fyrirrennara hans í um 12 ár og er viðskiptafræðingur að mennt frá Háskóla Íslands. Greint er frá þessu í fréttatilkynningu.
Hún hóf störf í innri endurskoðun árið 2007 en áður starfaði hún á endurskoðunarsviði Seðlabanka Íslands. Helga færði sig yfir á þróunar- og markaðssvið Arion banka árið 2012 þar sem hún starfaði við innleiðingu á straumlínustjórnun í bankanum. Hún tók við starfi liðsstjóra straumlínustjórnunar innan mannauðsdeildar bankans árið 2015 og hefur gengt því starfi síðan þá.
