*

laugardagur, 17. nóvember 2018
Erlent 27. apríl 2016 15:55

Helmingi færri pantanir

Viðskiptapantanir japanska bifreiðaframleiðandans Mitsubishi Motors hafa lækkað um helming.

Ritstjórn
european pressphoto agency

Eftir að Mitsubishi Motors, japanski bílaframleiðandinn, játaði að hafa svindlað á eldsneytisprófum í meira en 25 ár hefur bæði hlutabréfaverð fyrirtækisins hrunið og viðskiptapantanir hafa dregist saman um 50% á einni viku. Þetta kemur fram í frétt Reuters.

Eins og Viðskiptablaðið greindi frá í gær hafði hlutabréfaverðið hrunið um meira en 50% á einni viku í kjölfar uppljóstrunarinnar. Fyrirtækið hafði notað dekk undir bíla sína sem höfðu meiri loftþrýsting en vanalegt er sem gaf betri niðurstöður á eldsneytisskilvirkniprófum en ella.

Mitsubishi Motors gæti þurft að sæta sekt upp á allt að einn milljarð Bandaríkjadala, sem eru um 124 milljarðar íslenskra króna. Um það bil sex hundruð þúsund bílar voru mismældir vegna svindltækni fyrirtækisins, sem hefur verið notuð síðan 1991.

Stikkorð: Bílar Mitsubishi Hlutabréf Eldsneyti Svindl Erlent