Hildur Þórisdóttir hefur verið ráðin mannauðsstjóri Mannvits og tekur sæti í framkvæmdastjórn félagsins. Hildur hefur áralanga reynslu af stjórnun mannauðsmála og starfaði síðastliðin 10 ár hjá Kviku og forverum bankans.
Frá árinu 2012 starfaði Hildur sem markaðs- og mannauðsstjóri Kviku (áður MP banka) og bar ábyrgð á markaðs- og samskiptamálum bankans samhliða mannauðsstjórnun. Árið 2009 var Hildur ráðin starfsmannastjóri MP banka og árin 2007 til 2009 starfaði hún á mannauðssviði Straums fjárfestingabanka.
Áður starfaði Hildur sem starfsmannastjóri og síðar forstöðumaður framkvæmdasviðs hjá Pósthúsinu. Hildur er með BA í sálfræði og MSc. í viðskiptafræði frá Háskóla Íslands.
Um Mannvit
Mannvit er alþjóðlegt ráðgjafarfyrirtæki sem veitir margvíslega tæknilega þjónustu á sviði orku, iðnaðar og mannvirkja og er eitt stærsta fyrirtæki landsins á sviði tæknilegrar ráðgjafar og nýsköpunar.
Fyrirtækið er ásamt dóttur- og hlutdeildarfélögum með starfsemi í Ungverjalandi, Þýskalandi, Noregi og Grænlandi auk Íslands.
