*

fimmtudagur, 25. apríl 2019
Innlent 3. ágúst 2017 10:24

Hilton vill kaupa Icelandic Seachill

Viðræður eru hafnar um sölu dótturfélags Icelandic Group til Hilton Food Group, sem hingað til hefur sérhæft sig í rauðu kjöti.

Ritstjórn
Aðrir ljósmyndarar

Hilton Food Group hefur hafið viðræður um kaup á Icelandic Seachill, sem er dótturfélag Icelandic Group að því er fram kemur í Undercurrent News. Hilton er einn af birgjum Tesco stórverslunarkeðjunnar, og er talið að kaupin séu gerð með vitund og stuðningi verslunarkeðjunnar.

Icelandic Group er í eigu Framtakssjóðs Íslands sem er í eigu lífeyrissjóðanna, en eins og Viðskiptablaðið fjallaði nýlega um hætti íslenskur fjárfestahópur við kaup á Seachill.

Hilton Food Group sérhæfir sig í sölu á rauðu kjöti, en um 74% af framleiðslumagni félagsins er framleitt og selt utan Bretlands. Fyrir utan heimalandið, er félagið með starfsemi eða samstarfsverkefni í sjö löndum, það er Hollandi, Ástralíu, Póllandi, Danmörku, Svíþjóð og Írlandi. Einnig stefnir félagið að uppsetningu starfsemi í Portúgal.

Mikið samstarf við Tesco

Greinendur segja fyrirtækið sem hingað til hefur sérhæft sig í pökkun og vinnslu á kjöti einungis geta farið út í slíka stækkun nema í samstarfi við sterkan söluaðila, eins og Tesco er.

Með kaupunum yrði félagið eitt af 10 stærstu matvælafyrirtækjum Bretlands, en á árinu 2016 nam velta Hilton Food Group 1,23 milljarða punda og var félagið með EBITDU sem samsvarar 54 milljónum punda, eða 7,45 milljörðum íslenskra króna. Ebitdu hlutfall félagsins nam 4,4%.

Seachill hins vegar seldi fyrir 266,3 milljón punda, en EBITDA félagsins var 10,4 milljón punda, eða 1,4 milljarðar íslenskra króna. EBITDU hlutfallið var 3,9%.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim