Hlutabréfavísitölur í Asíu og Evrópu hafa almennt lækkað í viðskiptum dagsins. Að mati The Wall Street Journal er lækkunin rakin til versnandi efnahags í Kína og lækkandi olíuverðs. Lækkanir í olíufyrirtækjum hafa dregið lestina í lækkununum en heimsmarkaðsverð á Brent hráolíu hefur lækkað um 1,5% og er nú 33,72 Bandaríkjadalir á tunnuna. Hlutabréf í BP hafa t.d. lækkað mikið eftir að fyrirtækið birti uppgjör.
Hlutabréf í Asíu, utan Kína féllu í viðskiptum dagsins. Nikkei 225 féll um 0,64%, Hang Seng féll um 0,76%. Samsetta vísitalan í Sjanghæ hækkaði hins vegar um 2,26%.
Það sem af er degi hafa allar helstu vísitölur í Evrópu lækkað. Stoxx 600 hefur lækkað um 1,41%, FTSE 100 hefur lækkað um 1,4%, Dac hefur lækkað um 1,335 og CAC 40 hefur lækkað um 1,6%
