*

þriðjudagur, 25. september 2018
Innlent 25. júlí 2018 17:01

Hlutafjárlækkun VÍS býr til gengishagnað

VÍS mun greiða út 1,8 milljarð króna til hluthafa í formi bréfa í Kviku. Hlutur VÍS fer undir 10% og verður færður á markaðsvirði.

Ritstjórn
Helgi Bjarnason er forstjóri VÍS
Eva Björk Ægisdóttir

Samkvæmt samþykkt hluthafafundar VÍS frá 27. júní verður hlutafé félagsins lækkað um 250 milljónir að nafnvirði með útgreiðslu að fjárhæð 1,8 milljarðs króna, sem fram fer á morgun, fimmtudag. 

Útgreiðslan verður í formi hlutabréfa í Kviku banka, en hverjum hluthafa mun bjóðast að selja félaginu allt að 2000 hluti á markaðsvirði, sem svarar í dag til rétt rúmlega 16 þúsund króna.

Greiðslan mun miða við gengið 8,0, sem þýðir að 225 milljón hlutir í Kviku verða afhentir hluthöfum. Við afhendinguna verður eignarhlutur VÍS í Kviku tæpir 177 milljón hlutir, og fer undir 10%.

Hluturinn telst því ekki lengur virkur eignarhlutur, sem þýðir að VÍS má, og mun, eftir breytinguna færa eignarhlut sinn á markaðsvirði í stað hlutdeildar. Við þetta myndast gengishagnaður upp á rétt um 500 milljónir, sem er rúmlega 54% hækkun bókfærðs virði hlutarins.

Stikkorð: VÍS Kvika