*

sunnudagur, 21. apríl 2019
Fólk 11. október 2018 09:30

Högni ráðinn til Advania

Högni Hallgrímsson hefur verið ráðinn forstöðumaður verslana- og afgreiðslulausna Advania.

Ritstjórn
Högni Hallgrímsson hefur verið ráðinn forstöðumaður verslana- og afgreiðslulausna Advania.
Aðsend mynd

Högni Hallgrímsson hefur verið ráðinn forstöðumaður verslana- og afgreiðslulausna Advania. Hann fer fyrir teymi sem veitir stórum og smáum verslunum alhliða þjónustu, svo sem við upplýsingakerfi, vélbúnað og vefverslanir.

Meðal afgreiðslulausna Advania eru sjálfsafgreiðslukerfi sem tekin hafa verið í notkun í stærstu matvöruverslanakeðjum landsins á undanförnum mánuðum. Neytendur hafa sýnt góða svörun við lausnunum og velja í auknum mæli að afgreiða sig sjálfir í verslunum. Sjálfsafgreiðslulausnir hafa því fest sig í sessi sem valkostur í fjölmörgum verslunum landsins og hafa umsvif Advania aukist verulega á þessu sviði.

Högni er með Cand. Science gráðu í véla- og iðnaðarverkfræði frá Háskóla Íslands og hefur 18 ára reynslu af stjórnun og innleiðingu upplýsingakerfa. Hann starfaði áður hjá Össurri en lengst af hjá LS Retail þar sem hann vann í 15 ár, meðal annars sem framkvæmdastjóri ráðgjafasviðs.

Stikkorð: Advania
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim