Verðlaunaafhending World Travel Awards fór fram á ítölsku eyjunni Sardaníu um helgina, en verðlaunin eru ein þau virtustu í ferðaþjónustunni og ósjaldan kölluð „Óskarsverðlaun ferðageirans“.
Veittar eru viðurkenningar á hinum ýmsu sviðum en í flokki gististaða eru tilnefningarnar bundnar við lönd og voru tuttugu íslensk hótel tilnefnd í sex flokkum. Túristi greinir frá því að Hótel Borg hafi verið það hótel sem fékk flest stig í flokki almennra hótela hér á landi. Besta hönnunarhótelið var hins vegar valið ION hótelið á Nesjavöllum.
Sigurvegarar í Íslandsdeild verðlaunanna voru eftirfarandi.
Besta hótelið: Hótel Borg
Besta hönnunarhótelið: ION Luxury Adventure Hotel
Besta hótelið fyrir vinnuferðir: Radisson Blu Saga
Besti dvalarstaðurinn: Hótel Rangá
Besta íbúðahótelið: Reykjavik4you Apartments
Besta hótelaðsetrið: Grand Hotel Reykjavík
